اوروجلوغا حاضرليق

وئبلاگچی : خــــزراوغلي

+0 به يه ن

اوروجلوغا حاضرليق

اسلام دنياسي، عزيز بير قوناغي قبول ائله‌مگه حاضرلاشير: مبارك رمضان آيي.

جسميميزي بو گؤزل گونلره حاضرلاماق‌دا چوخلو اهميّت داشيير. بونا گؤره جسميميزي فيزيولوژيك جهتدن اوروجلوغا حاضرلاماق و گونده‌ليك قيدا رژيميميزي تنظيمه سالماغين يوخاري اهميّتي وار.

اوروجلوقدان نئچه گون اوّلدن اوروج توتماغا باشلاماق پيغمبر (ص) سنّتي اولماقدان علاوه بدنيميزه اورجلوق شرايطينه حاضرلاشماغا دا كؤمك ائلر.

ايكينجي نوع ديابتي اولانلار بو آيدا تازا گؤي و توت چوخ يئمه‌لي و دِسرلرينه دارچين آرتيرماليديلار. گونده‌ليق بير ايكي چاي قاشيغي قدر دارچين يئمك، قانداكي قندين مقداريني تنظيمه سالار. غذادا كفايت قدر فيبر اولماليدير چونكي بو مادّه ده، قان قندي‌نين ميزانيني تنظيمه سالار.

ديابتين ايكينجي نوعونا مبتلا اولانلار اورجلوقدا گون بويو اؤز يانلاريندا شيرين يئمه‌لي ساخلاماليديلار كي هر وقت هيپوگليسميا (قان قندي‌نين آزالماسي) علامتلريني مثلاً باش گيجللنمه، اورك بولانما و باش آغريسي، گؤرسه‌لر اوروجلاريني سينديرماقدا شبهه ائله‌مه‌سينلر. بو علامتلر بدنين خبردارليغيدير.

اوروجلوقدا اوروج اولمايان ساعتلرده، بدنيزين لازم اولدوغو قدر مايعات ايچين. هئچ اولماسا گونده سككيز ليوان سو و اوندان علاوه ميوه سويو، اوت دمله‌مه‌ليلري ايچين. بدنين سويونو آزالتماغا سبب اولان مايعات مثلاً قهوه و نوشابه كيمي شئيلر ايچمه‌يين. فيبرله دولو اولان يئمكلر مثلاً تازا گؤي و لوبيه‌لري بوللو مقداردا يئيين.

جسماني حاضرليقلاردان علاوه، ذهنيميزي‌ده الله‌-ين قوناقليق آيينا حاضرلامالي‌ييق؛ گونده‌ليك ذكرلر، مهربانليق، خانواده رابطه‌لريني گوجلنديرمك، اجتماعي رابطه‌لريني گوجلنديرمك، اراده‌ميزي گوجلنديرمك و صبر، بو يولدا گؤزل آدديملاردان ساييلير.

بو يازيني ميرزه عبدالصمد ملكي جنابلاري وبلاگيندان بو وبلاگا كؤچورتموش. وبلاگين آدرسي : 

http://www.din-xadimi.blogfa.com/

RAMAZAN AYI GELİYOR resimleri - islamiyazilar.com


  • [ ]