ترجمه حركاتي، غربين قديم يونان دؤره‌سيله قيريقليغينا سون قويدو
وئبلاگچی : خــــزراوغلي
+0 به يه ن
مسلمانلار مختلف علملري ترجمه ائديب گئنيشلنديرمه‌سه ايديلر غربين اؤز اثرلريني يئنيدن اوخوماغا امكاني اولماياجاغيدي. مسلمانلار دنيانين گون علملري‌نين اؤيرنمگيني لازم گؤردوكلري زمان مختلف علملرين ترجمه‌سينه و توسعه‌سينه ال آتديلار.
غربه يول تاپان اثرلر و اونلارين قديم عصرله سوستالميش رابطه‌لريني گوجلنديرن اثرلر، يونان ديليندن عرب ديلينه ترجمه اولان كتابلار ايدي. حقيقتده مسلمانلار فلسفه‌دن علاوه مختلف علملره توسعه وئريب و گؤزه گليم علمي مدنيّت ياراتديلار. سونرا بو تمدّن غربه ده چاتدي. حقيقتده ترجمه حركاتي‌نين ظهورو ايله قديم يوناندان قيريلان غرب، تازادان اونا چاتدي. بو مسأله‌نين مدرن اروپانين ترقّي‌سينده اؤنملي رولو واريدي.
مسلمانلار بو علملري ساخلاييب و توسعه وئرمه‌سه ايديلر غرب اؤز اثرلريني تازادان اوخويا بيلمزدي و او علملري بوتوولوكده الدن وئرردي. سونراكي عصرلرده اروپا، مسلمانلارين مادّي ترقّيسي‌نين شاهدي اولدو و اونو اؤزونه خط باشي كيمي و يا مبارزه اوچون بير موضوع كيمي، مقصد قالبيندا نظرده توتدو.
مسلمانلار عرب ديلينه چئوريلميش كتابلاردان بهره‌لنيب علمه توسعه وئرديلر. مثال اوچون ابن سينانين «قانون» كتابي، طبّ عرصه‌سينده اولماسايدي قديمي منبعلر آرادان گئتميش اولاردي و اونلاري توسعه وئرمك امكانسيز اولاردي. غرب عالملري عرب ديلينده اولان بو كتابدان بؤيوك منبع كيمي استفاده ائله‌ديلر.
مسلمانلار، علمي ترجمه ائديب ساخلاماقدان علاوه اونا توسعه وئريب و الي آچيقجاسينا غرب عاليملرين اختياريندا قويدولار. غربليلر ده بو آچيلميش سوفره‌دن بهره‌لنيب علملريني توسعه وئرديلر. بو مسأله‌نين لاپ مهم زماني، اورتا عصرلر دؤرونده ايدي كي غرب عالملري متنلري عرب ديليندن ترجمه ائله‌مكله مسلمانلارين علملرينه ال تاپيب اوندان فايدالانديلار.
قايناق : دين خاديمي
http://www.din-xadimi.blogfa.com/
http://din-xadimi.arzublog.com/