دكتر محسن هشترودي

وئبلاگچی : خــــزراوغلي

+0 به يه ن

دكتر محسن هشترودي

محسن هشترودي 1286-جي ايلين دي آيي‌نين 22-سينده هشتري شهرينده دنيايه گلدي. آتاسي شيخ محمد خياباني‌نين مشاورلريندناولان، مجتهد شيخ اسماعيل ايدي.

محسن هشترودي ابتدايي تحصيليني تبريز شهري‌نين سيروس و اقدسيّه مدرسه‌لرينده اوخوياندان سونرا تهرانين دارالفنونوندا طبابت اوخودو. او 1304-جو ايلده دولتي بورسيه‌سي ايله رياضيات اوخوماغا فرانسه‌يه يوللاندي.

او، 1314-ده فرانسه‌نين سوربون دانشگاهيندان ليسانس درجه‌سي ايله فارغ التحصيل اولدو. سونرا پروفسور «الي كارتان» نين باشچيليغي ايله ديفرانسيل هندسه‌سي زمينه‌سينده تحقيقه باشلادي و 1316-جي ايلينده رياضيات رشته‌سينده اؤز دكتراسيني آلدي.

پروفسور هشترودي وطنه قاييداندان سونرا عالي دانشسرا‌نين علملر دانشكده‌سينده اوستاديار كيمي ايشه باشلادي. 1320-ده عالي دانشسرانين اوستادليغيني آلدي. 1320-ده تبريز دانشگاهي‌نين رئيسي اولدو و 1336-دا تهران دانشگاهي‌نين علملر دانشكده‌سي‌نين رئيسي اولدو.

پروفسور هشترودي عمرو بويو، رابطه‌سيني بين‌المللي علمي مجمعلرله ساخلادي. او 1329-دا تهران دانشگاهي‌نين نماينده‌سي كيمي هارواردين بين‌المللي رياضيچيلار كنگره‌سينه قاتيلدي. مؤسسه‌نين رئيسي پرفسور اوپنهايمرين ايستگي ايله پرينسون دانشگاهي‌نين پيشرفته مطالعه‌لر مؤسسه‌سينه عضو اولدو و هاروارد دانشگاهيندا دا بير ترم درس وئردي.

پروفسور هشترودي ديفرانسيل هندسه‌سينده متخصص ايدي. اونون اَن مهم علمي اثري، ديفرانسيل هندسه‌سي زمينه‌سينده يازديغي دكترا تزيدير. بو تزده، اوستادي الي كارتالينين مدل‌لري‌نين بيريني تعميم وئريب كي بو گون Hachtroudi Connection (هشترودي التصاقي) آدينا تانينير. 


 قايناق : دين خاديمي

http://www.din-xadimi.blogfa.com/post/700


  • [ ]