بوردا بير مسلمان يوخدو؟
وئبلاگچی : خــــزراوغلي
+0 به يه ن
مئيدان مچيدينده اللي نفر اولاردي، شام نامازينا دورموشدولار. بير نفر پيچاق الينده مچيده گيردي؛ اوجا سسله دئدي:
- بوردا بير مسلمان يوخدو؟
هئچ كس دينمه ده‌ن، هامي نيياران، بير گؤزو نامازدا بير گؤزو بو كيشي نين حركاتيندا قالميشدي.
بو آندا مچيدين موجووورو محمدولي عمي قاباغا گئچيب سوروشدو:
- نئجه؟
محمدولي عمي ائله بونو دئماغي گؤردو! او كيشي محمدولي عمينين بيله ييندن ياپيشيب ائشييه آپاردي.
دئمه‌لي حوسين كيشي قونشو كنديدندي؛ بوردان ناخيرين آپاراندا بير اينه‌يي نجور اولور، قيچي سينير؛ اومودو كسيلير؛ قاچير مچيده كي بير نفر تاپسين اونون كؤمه‌يي ايله اونون باشين كسسين.
محمدولي عمينين بير آز نفسي آچيلدي دئدي:
- من قوجالميشام منيم ايشيم دئييل گئچ ايچه‌ري آخوندوموز قصاب اوغلودو؛ اونو چاغير؛ سنه ياخشي كؤمك لييي ده‌ير.
خيلاصه يئنه حوسين كيشي پيچاق الينده مچيده گئچدي! بو سفر بيرينجي ريكت قورتولموشدو؛ ايكينجي‌نه حاضيرلاشيرديلار، حوسين كيشي، محمدولي عمينين دئييشينه گؤره ائله دوز - مئشت آخوندون يانينا گئديردي و دئيردي :
- هاني؟ بير مسلمان يوخدو؟
آما هامي بئله فيكيرله شيردي بو محمدولي عمي‌ني آپاردي اؤلدوردو؛ ايندي قاييديب، آيري بيرمسلماني توتوب آپارسين؛ ائله بو آندا آخوندون يانينا يئتيشميشدي.
حوسين كيشي هئي اوجا سسله دئيردي:
- بس مسلمان هاني؟ مسلمان دئييلسيز؟
بو وضييعتده آخوندون بيله‌يين اله گئچيرديب يئنه اؤز سؤزلرين تيكرار ائله‌ييردي!
- بس مسلمان دئييلسن؟
بو ايكي ريكت نامازي نه‌يه قيليرسان؟ آخوند قارداشيميز اؤزون ايتيرميشدي! حوسين كيشي‌نين زورولا داليسيجان سورونوردو. هئي بو سؤزلري اوجا سسله دئييردي:
- آي جانيم بير- ايكي ريكت ناماز قيلماق ايله بير آداما مسلمان كي دئمزلر! آي جاماعات سيز دئيين دئيرلر؟!!
>> گرگرلي آراز <<
قايناق : كئفلي ايسكندر وئبلاگي (ساتريك ادبيات)
http://www.kefli.blogfa.com/post/80