اسكي تورك طيبّي

وئبلاگچی : خــــزراوغلي

+0 به يه ن

رفئسور-دوكتور؛ علي حيدر بايات

كؤچورن:عباس ائلچين

بو يازيني " ائلچين " وئبلاقيندان بورا گتيرميشم.


        اوْتاچي و اَمچي اولاراق آدلانديران حكيملر، قاملارين عكسينه بيتكي، حئيوان و مينرال كؤكنلي درمانلارلا خسته‌ليك‌لري تداوي ائديرديلر. اوْتاجي، اوْت كلمه‌سيندن تؤره‌ديلميشدير. اسكي توركجه ده اوْت، طيبّي بيتكي، درمان، زهر و اؤزباشينا يئتيشن بيتكي آنلاميندادير. اوْتاجي ايسه، اوْتاماق (درمان ائتمك) فئعلي‌نين كؤكونه مسلك بيلديرمه اَكي (جي، چي) گتيريله‌رك تؤره‌ديلميش توركجه بير كلمه اولوب حكيم آنلاميندادير. 

       اسكي توركجه ده درمان و دوا قارشيليغي ايلك دؤورلرده اَم، اوْت اَم و سَم ايله برابر اَمسَم اولاراق ايشله‌ديلميشدير . ام كلمه‌سيندن تؤره‌ين اَمله‌مك، خسته‌ليگي درمانلارلا تداوي ائتمك دئمكدير. 

     امچي حكيم آنلامينا گلديگي كيمي درمان ائدن داواچي آنلاميني‌دا داشير. ديوان لغات الترك‟ده حكيم قارشيليغي آتاساغون دا ايشلنمكده‌دير. 

  قوتادغو بيليگ، اسكي اويغور توركجه‌سي سؤزلوگونده كي ، و آشاغيدا اؤرنكلريني وئره‌جگيميز  ديوان لغات الترك’ده كي   طيبّ‌له ايلگيلي كلمه‌‌لره باخاراق، اويغورلاردان اعتيبارن ايسلام اؤنجه‌سي اورتا آسيا تورك طيبّي‌نين گئچميشه گؤره چوخلو گليشميش اولدوغونو سؤيله‌يه بيليريك. 

  ديوان لغات الترك’ده طيبّ‌له ايلگيلي كلمه‌لر بونلاردير:

ساغ: ساغليق، سۆكَََل، ايگچيل: خسته، ايگ، كَم: خسته‌ليك، ايگله‌مك، كَمله‌مك : خسته‌ اولماق، ايگلَلمك، كملنمك: خسته‌لنمك، ايگلتمك، كملتمك: خسته‌لتمك ، ايگلنمك: بير پارچا خسته‌لنمك، آغريسي توتماق ، قارتاماق، قارتانماق، ساملاتماق: ساغالتماق، اوْنغولماق: ياخشيلاشماق، اوْت، اَم، سم: درمان ، اوتاچي، امچي، آتاساغون: طبيب ، اوتاماق، امله‌مك: تداوي ائتمك؛ آتقاق: قاريندا سو ييغيشماسي، هيدروپسي، بارس: بيت و بيره سانجماسي‌ ايله دري‌ده اوْلوشان قابارتي، باش: يارا، باليق: يارالي، باش توكنمك: يارانين آتشله داغلانماسي ، بَزگَچ: تيتره‌ديجي قيزديما، تيترمه ، بيچگيل، بيچيلقان: ال و آياق دريسينده اولوشان چاتلاقلار ، چكتۆرمك: قان آلديرماق، چَلپَكلنمك: گؤزون چاپاقلانماسي ، چَرلنمك: ووجودون آغيرلاشيپ، خسته‌لنمه‌سي ، داغ، تۆكۆن: داغلاما، امريشمك: اويوز و.س.‟دن قاشينماق، دري‌‌ده قارينجالانما، قيزديرماق: قيزديرما توتماق، قابارقان: دري‌ده قاشينتي ويا ايستيدن اولوشان قابارتي، سيويلجه ، كپك: كپك، كيچينمك: قاشينماق ، كؤگلنمك: اوزده چيل چيخماق، قاناقو: قان آلماقدا ايشله‌ديلن نشتر، سۆرگو: قان آلماقدا ايشله‌ديلن بير آلت، بئليگ: يارالاري دئشمكده ايشله‌ديلن ميل، آرقاجاق: آغيزا درمان داملاتماق اوچون ايشله‌ديلن ايچي بوش آلت. 

  خسته‌ليك تۆرلري، آنۇمي: جوززام، چئچئك: چيچك خسته‌ليگي، چوْر: عورت يئري بيتيشيك قادين، انۆچ: گؤزه ائنن پرده ، اێسرێق: گؤزه پرده ائنمه‌سي ، انۆچله‌مك: گؤزه ائنن پرده‌نين تداويسي، اينه‌گو: گؤبك اوزرينده قولونجا بنزر خسته‌ليك، ايسيتمك: قيزديرمايا توتولماق ، ساريقليغ: ساريليق خسته‌ليگي اولان، تيرسَك: ايت‌ديرسگي، بۆقوق: گواتر، چيپقان: ووجوددا اورتايا چيخان قيرميزيليق (zizyphus vulgaris) ، كؤزومكليغ: گئجه گؤروب، گوندوز گؤرمه‌ين خسته، كۆلتگو، كولگو: قلب دورماسي ، اؤترۆم: موسهيل، ساريق سۇو: قاريندا ييغيشان ساري سو، اؤدم، ساريغ كزيك: ساريليق خسته‌ليگي، سنگيل: اوزده چيخان ارگنليك، سيگيل؛ اوزده ميدانا گلن ايگيد خسته‌ليگي ، تامورماق: بورون قاناماق، تمرگو: تمره ، تيرسگك: آرپاجيق ، توْقا: ايچ آغريسي ، اۇدهۇز: اۇيوز ، اۇم: قارين شيشكينليگي، قورساق پوزوقلوغو، حضم‌سيزليكدن معده‌ سي شيشمك ، يۇباقۇلاق: قيزديرمادان تيتره‌مه ، اۇچقوق: نَزله ، سۆكۆل: سيييل . 

  درمانلاردان، آويلكو: ميوه سي نين سودا اريتيله‌رك گؤز خسته‌ليگينده ايشله‌ديلن بير بيتكي، بئزينچ: باغلاردا بيتن، قيزيل رنگلي، دال و ياپراقلاري درمان اولاراق ايشله‌ديلن بير بيتكي، ايپرۆك: قبيض‌ليغه قارشي يوغورت ايله سود قاريشديريلاراق ك ايشله‌ديلن درمان، كوندوز قايري: كوندوز داشاغيندان دوزه‌ديلن درمان، ايشقۇن: شربتي چيچك خسته‌ليگينده ايشله‌ديلن، قيرميزي چيچكلي بيتكي ، چاهشو: فيليز هئرچ. Lycium اوتو اولوب، عصاره‌سي گؤز خسته‌ليكلرينده ايشله‌ديلير، چۇرني: تورك حكيملري‌نين دوزه‌لتديكلري سۆرگۆنلوك درمان، ياكريكان: يلدن .آتلايان دوداقلارين تداويسينده ايشله‌ديلن بير بيتكي، ايلرۆك: صفرا و بلغمي سؤكتۆرن بيتكي توخومو، اوزرليك توخومو، كَكۆش: شيشليكلرده ايشله‌ديلن بير درمان آقسيرقان اوتو ، كزيك: قيزديرما، قيزلاموق: قيزاميق، سيقۇن: آدام اوتو (جينس. گوجو آرتيرماق اوچون ايشله‌ديليردي) ، سوت اؤترۆم: قبيض‌ليكده ايشله‌ديلن مرجيمكه بنزر بير بيتكي، تانفا ياوا: كاسني آغاجي پۆسه‌سي. يوغوردلا قاريشديريلاراق توتماجا قاتيلاراق اونا رنگ وئرن بير درمان ، توْي: درمان دوزه‌لن بير اوت ياخيغ: يارا تداويسي اوچون چشيدلي اوت و نسنه‌لردن دوزه‌له‌رك آغريلي، خسته يئرين اوستونه قويولان درمان ، بو ايشله‌مه ده ياخيغ ياخماق  دئييلير. اۇرۇمداي: زهر ائتكيسيني آپاران داش، پادزهر، اۇيودوجو اوتلار دا ايشله‌ديليردي. دستانلاريندا ايفاده ائديلن داغ چيچگي ايله آنا سودو قاريشيمي يارالاردا ايشلنمكده ايدي. 

  قونشو اؤلكه‌لردن هينديستاندان گتيريلن درمانلار آراسيندا، آرۇبات: دميرهيندي، هاسني (اوشاقلاري كؤكلتمك اوچون كيسه ايچينه قويولوب امزيك كيمي اوشاغين آغزينا قويولوردو)، ايروي ، اۇراقون و زهرلي بير بيتكي اولان فارا اوت  ساييلابيلير. 

  آيريجا بعضي خسته‌ليكلرده اوخويوب پوفله‌مه، يئل يئلپينمه‌سي دئيلن جين چارپماسيندا، خسته‌نين اوزونه سويوق سو سرپيله‌رك  " كوْوۇچ كوْوۇچ! "  (قاچ قاچ) دئيلير و اوزرليك ويا اؤد آغاجي ايله توتسوله‌نير  ويا اوشاغين اوزونه توتسو وئريلديغي سيرادا  " اێسريق اێسريق! " ، دئيلير كي  " اَي پري ايسيريلميش اولاسان! " ، دئمكدير اوشاقلارين گؤز ديمه‌سيندن قوروماق اوچون ايسه اوزونه ائگيت دئييلن، زعفرانا بعضي مادّه‌لر قاريشديريلاراق، اوزه سۆرتولوردو. 

  كودئس‌كومانيكوسدا(Codex cumanicusta) ، قيپچاقلاردا صحت آنلاميندا ساغليق، خسته‌يه سؤكئل، خسته‌ليگه سؤكئلليك، درمانا اوْت، حكيمه اوْتاچي، نشتره سۇنقولزا، جوززاما كئلئپئن، اويوزلو كيشييه قۇتۇرقان، قيزديرمايا ايسسيليق دئيليردي. 

    ايسلام اؤنجه‌سي اورتا آسيا تورك دونياسيندا طبابت مقاله‌سيندن آلينميشدير .




  • [ ]