انزلي چي قارداش

وئبلاگچی : خــــزراوغلي

+0 به يه ن

بهبود مرادي (ائلچي خلخالي) يا ائلچي بئي خالخالدا آنادان دوغولوب سونرالار انزليه كؤچوب.

1370 گونش ايليندن اينديه‌جن  قوشما و شعر دئمگه چاليشقان ايدي.
اثرلري:
1 - غم نامه ائلچي           (توركجه)
2 - آسيلي گؤزلر              (توركجه)
3 - چاو                           (توركجه و فارسجا)
4 - ايچري شهر پايماسي   (توركجه)
5 - دفتر شعر                    (فارسجا)
6 - ايكي كيتاب رحمتلي يوسوف حسين زاده اثرلريندن چاپا يئتريب.
7 - "شرح احوال شعراي انزلي" اوستاد طويلينين يازيسينيدا چاپا يئتيريب.
8 - عليشيرنوايي‌نين توركجه شعر ديوانينيدا چاپ ائتديريب.
بهبود مرادي "ائلچي بئي" اينترنئتده نئچه وئبلاق ياراديب:
1 - "شعر و نثر 20 "                                           ـ http://changel.blogfa.com/

2 - "دل نوشته هاي ائلچي خلخالي (ائلچي بئي)"  http://ilchi.mihanblog.com/

3 - "تونقال"                                                      http://tungal92.blogfa.com/

ائلچي بئي‌دن نئچه قوشما:

ايندي گئدي سن ياواش ياواش گئد
آلما جانيمي گئدنده گويچك

دون بير دالي باخ گوزوم خمارليم
گورسون گوزونو گولنده گويچك

بير جوت اوپوش آل ياناقلاريندان
گوندر مني چين گلنده گويچك

قوي هر نه دئيير دئسينلر اوزگه
من ويرقينينام النده گويچك

گيزلين دئيركي سئويب سئويلمك
نه اولار كي بيري بيلنده گويچك

سنن سونرا يوخدي ياس گونومده
گوز ياشلاريمي سيلنده گويچك

گير تابوتوما قاييد قاييد  دء
گورسون هاميلار اولنده گويچك


                          * * * * *
اي گوللرين طراوتي سني هانسي ملك دوغوب
گوي قورشاغي گورمه لي نقشي ايپك دوغوب

يورقون باخيشلاريندا سنين ليلي نقشي وار
مجنون كدرلي گورپه سيني جرجنك دوغوب

خالچا قولوندا نقش اولونان قوش قاناتلارين
داردان آسيلماغا داراق اوسدن ديبك دوغوب

قويما اوزونده ياشماغي توتسون ياشيل سويود
ماوي باخيشلارين سني دوغماقدا تك دوغوب

رسسام تومارلياندا قاشين تيرمه ليك لره
سانجي ساچاقلارين ساغ الينده سه نك دوغوب

اولدوزلار آرخاسيندا منه گوز ويران گوزون
كوزدن كوز اوسدونه قالاييب بير اتك دوغوب

بابك دوزوم لييم منه هايقيرما دومما گوز
غيرت باغيندا بالتادان اوسدون ديرك دوغوب

كيم سيز ليگينده كيلگه لرين يولدي كورپه قيز
بيلدي تاباق. قان تيكه سي نن چورك دوغوب

شعيريمده وار ترنم اگر سيز اونوتماييز
ياز نسلي يم مني يالقيز چيچك دوغوب

شعريم قيسير باخيشلاريندا يريكليردي ائلچي بئي
سونسوزلوق آخشاميندا بير دفتر بلك دوغوب


                          * * * * *      
21آذر

(آلولي پارچالار)
ديزلريمي قوجاقلييب

اوز اوزومه فيكيرلشديم

خياليمين زيروره سينن يره انديم

آخداريرديم كاغاذ قلم

اوره ييمين سوزلريني

سيزه يازام

نه يازام كي باشيمداكي

سوزلريمه داياق اولسون

سوزلريمين ميصراع ميصراع قوشو منن اياق اولسون

ينه دئديم آراخالانيم اوز ائليمين زيروه سينه

نجور اولسا او بييليركي باشيم داكي سودا ندير

يازديم اورك سوزون اوستاديميز (ذليم خانا)

دئديم اوستاد خير اولسون

وارليقيميز

پيلته اوسده چيراغيميز

اوچ بوياقلي بايراقيميز

خيرينن باشلاديقيم

سالام سافا بويوگ اولان اوستاديما

بئله دئديم اوره يمده ياساق اولموش نيسگيليمي

دوزدوركي بيز كوكوموز وار

گئچميشلرين ماياقيندا

غول بيداقلي آغاجيقسا

كولگه ميز وار اياغيندا

دوزدور كي بيز گون چيخانين

مدنيت بايراقي نين تمل ييك

اما ندن پارچالانديق

نجور اولدي تيكه لنديك

تيكه لنديك

كاش بيزيده اوزامانلار

توركمن چاي آييرايدي

يا اولرديك يا قالارديق

آنجاق آنجاق بير اولارديق

هيچ بيليرسن

آيريليقدان

سيليميزده سارا قالدي

گونوموزده قارا قالدي

ديليميزده يارا قالدي

(پيشه وري) گلن ايللر

هاممي دئدي

خوش اوغورلو ايلدير بيزه

آذاربايجان گونئي نين

بايراميدي يريمي بير آذر اوگون

اما چرخي دوندرنلر

بير گئجه ده اللي مينه يوخون

منيم ديلداشيمي هلاكته يتيرديلر

نچه يوز مين فدايي دن

هله ده كي خبر يوخدور

(صفر خانلار)لار اوتوز ايل ايل ليك محبوس اولودي قازاماتدا

ايندي ديركي تورپاقيمدا بيتن لالا

شهيدلرين نشانيدير

كيم نه بيلير هاياندادير

شهيدلرين مزارلاري

هيچ اولوبدي تهران دييه

يريمي بيري آذريم وار

گونش ايلين يريمي بئشي

نيا تبريز تاپدالانير

حاققي اوسده دانيشانمير

خير اولسون اما سيزلر

يريمي يانوار شهيدلرين

مزارينا گول قويورسوز

اما بيزيم شهيدلرين

نه آدي وار نه مزاري

ائويميزين ديره ي ينين مزاريني

قوجاقيندا آليب اوتاي

ياخجي ساخلا تورپاق دئديم

ضمانتدير بيرليگيمه بو آمانات

ايللريدير كي بيزدن آلچاق

وارليقيمي يادداشينان سيلمك ايستير

داهيليرام پوزولورام

ياددشلاردان
بيزه كومك يتير قارداش
شوكور اولسون

قايديبسيز اوكوكوزون اوسدونه سيز

ايندي سيزين دولتيز وار

آلني آچيق ميلتيز وار

ايندي ده وار بيزدن آلچاق

اوزون قولاق اولدوقوندا

اوز آديني بيزه وئرير

نيا گرك اوز ديلينده يازانلاريم

قورخا قورخا يازا ديلين

نيا گرك اوشاقلاريم صينيف لرده ازه ديلين

ايندي ده وار آذاربايجان اوشاقلاري

فارسجا دئير سوزلريني بير بيرينه

ايندي ده وار قويون كيمين

يوخودادير ياتانلاريم

باشي گئديب بدنينه تش چيخارير ياتانلاريم

بير ائليده اولار مگر اوز ديلينه اوزاقلاشا

قارداشيني ائوده قويوب

اوزگه لره قوجاقلاشا

بو گونلري ياشاماقدان

يانسيلاماق قاليب بيزه

اگر اولسا ددم اوغلو بو تايادا

كومك يتير

يوخسا نچه يريمي يانوار

وارليقيما تله قوروب

بيرليگيمه تله قوروب

ائلچي بئي



  • [ ]