همان شايعه بو دفعه آيري شكلده: يئر قارانليغا جومور
وئبلاگچی : خــــزراوغلي
+0 به يه ن
قايناق : " دين خادمي " وئبلاگي
آدرئس : http://din-xadimi.blogfa.com/post/899
دسامبرين 21-دن 23-نه قدر (آذرين 30-دان دي آيي‌نين 2-سينه قدر) يئر اوزو قاپ- قارانليق اولاجاق. گؤره‌سن بو بو اوچ گونده دنيا دوناجاق؟ گؤره‌سن بو حادثه انسانين ياشاييشينا پيس تأثير قوياجاق؟
يوخاريداكي جمله‌لر بو گونلرده ياييلان شايعه‌لردير. بو شايعه‌لرين بير اوجو ناسايا چاتير. كئچن اون دؤرد ايلده بو شايعه‌لره مختلف شكللرده راست گلمك اولار. قاباق ايللرده‌كي شايعه‌لر دنيانين باشا چاتماسيندان خبر وئريرديلر آما بو ايلكي شايعه، مسأله‌نين فقط طبيعي بير حادثه اولدوغونا تأكيد ائله‌مكله اونو داها چوخ انسانا اينانديرماق ايسته‌يير.
بو دفعه دئييرلر بو اوچ گونده گونشين جوّينده بير سئري پارتلامالار نتيجه‌سينده چوخلو انرژي آزاد اوماقلا گونشين يئلي داها سرعتلي و شدّتلي اسه‌جك و يوكلو ذرّه‌لري يئره طرف گتيره‌جك و اونلار مغناطيس ميداني ايله بير- بيرلرينه تأثير قويماقلا گونش طوفانلاري حاصل اولاجاق و نتيجه‌ده گونون ايشيغي‌نين يئره چاتماسي امكانسيز اولاجاق و يئر، اوچ گون بويو مطلق قارانليغا جوماجاق.
گونش طوفانلاري ارتباطي سيستملري‌نين قطع اولماسي، اوچوشلارين مختل اولماسي و چوخلو عارضه‌لره سبب اولا بيلر.
قديمدن دئييبلر حؤكم‌آوار اوزاق كرديسي ياخين! بو شايعه‌نين‌ده نه اولدوغونو ياخين گله‌جكده اؤيرنه‌جه‌ييك.