حاق وئرين، حاق وئرين؛

وئبلاگچی : خــــزراوغلي

+0 به يه ن

حاق وئرين، حاق وئرين؛

آخي ولي حيساب(ساييش) آچميش ايدي. نئجـــــه‌ـه؟

ولي كيشي بازارين لوتوسو ايدي. بازار گئده‌لريده اونون سؤزي ايله گئديشيرديلر. دوكانچيلار، كاسيبلار، آراليق كاسيبلاري‌دا ولي كيشييه اه‌لي آغريماسين ديه اونا خرجليك وئررديلر.

بو خرجليك نه ساييشداديرمي سوروشورسوز؟ بونــــا ديرلر حـــــاق. حـــلالليق حــــــاق.

بو حاقي بيري اؤده‌مه‌سئيدي، واري دؤله‌تي حرام حسابا گلردي. ولي كيشيده راضي اولمازدي بيري حرام پول اؤز ائوينه آپارسين. اونا گؤره ولي كيشي بئله‌سيني دانلاردي و هردم ائله‌سينين اه‌ينيني يوموشاقجاسينا يوموشالداردي، هئچ اولماسا بير اويره‌تمن (معلم) ساياقي قولاقيني بوراردي. يوخسا بئلسينين حلال يييه‌ن كاسيبلار آراسي بازاردا يئري يوخدور ديه، داها او آداما كاسيبچيليق قويمازدي.

بير عميم وار، اودا آدي كئفلي ايسكندردي. چوخ ايسته‌رم منه اؤگود نصيحت وئره. كئفلي عميم بيليجي آداملارين بيريدي. كندين آداملاريندان، گئديشاتيندان منه چوخلو دانيشاردي.

ايلك دفه علي كيشيني عميم منه تانيتديردي.

كئيفلي عمي دئميشكن: "علي كيشي مچيد قاباغيندا هميشه اوتوراردي ديلله‌نركن" خالقين قاداسيني "آلاردي".

او يئردن كي علي كيشي آداملارين قاداسيني(بلا)  جان جييه‌ري‌ايله آليردي، قادا آلماق اوجباتيندان راضيلاشيب صدقه‌لري ييغاردي، گونده‌ليك ولي كيشيه يازي پوزي ايله ساييش(حساب) وئره‌ردي. بودا بير تهر كاسيبچيليقدي‌دا. حرام حلالي گره‌كليدير آيريلسين.

گونده‌ليك محمد جعفر ائويندن چيخجاقين قادالار باشيندان ياغيردي. بير گون خيابانا آياق قويماميش آز قالا آرابا اوني باستيا. بير گون خيابان قيراقي آرخدان آتلاناندا آز قالميش دوشسون قول آياقي باشي سينسين. بير گونده اه‌ل تئلئفونون بير يالتاق آدام اه‌ليندن قاپدي. بونلار هاميسي قادا بلاسيدي. "علي كيشي مچيد قاباغيندا محمدجعفرينده" قاداسيني "آليردي".

ايـــشه باخيـــن!!!!! گؤرون نئجه دونيانين ايشي دولانير قاباقا گئدير.!!!! بئله اولماسايدي هانسي ايش دوز چيخارديمــــي؟؟؟؟؟ دوكانچيلار كاسيبلار هرنه كوتله‌يه(خالقا) ساتيب وئريرلر، پيتولوكده اؤزلريده اوني آليرلار. هر بير زادي آلديقدا قازانج اوچون هرنيين بهاسينين اوستونه ايكي قات آرتيميني آرتيريرلار، سونرا كوتله‌يه ساتيرلار. ائله‌ده حارام اولماسين بو قازانج ولي كيشي بونلارين كومه‌ينه گليردي.

آلله‌ها مين شوكور.!!! ولي كيشيني آلله ساخلاسين. ولي كيشي اولماسايدي، نئجه اولارديمي؟ ها؟

كاسيبلار، دوكانچيلار، هاممي‌سي ائوينه حرام پول آپاريب ائو آدامينا يئديردردي. اوندا نئج اولاردي؟ هيــــــــممم!!!!! حرام يييه‌ن آرواد اوشاق داها دوز آدام اولمازديلار. بونلاريندا هاميسينين اؤلوموندن سونرا يئرلري جهنم اولاردي.

ايندي‌ايسه " ائولنميش محمد جعفر داها خرج - مخاريجي يوخاريدي. ائلييه بيلمييه‌جك ايلك وئره‌ن پولو وئرسين. ائله علي كيشي بو ميقدار پولودا آلسين؛ آلماسا بودا اليندن چيخاجاق."

دوزدور محمد جعفر مخاريجي يوخاريا قالخيب، آنجاق علي كيشي ولي كيشينن سؤز دانيشيب. ايكي كيشي ُسؤز وئريبلر. بيرده علي كيشي محمد جعفرين قاداسينين ياريسينين آلا بيلمز. نئج اولا ياني؟ قادا بلاني ياريا بؤلمك اولارمي؟ دئسك قاداني ياريا بؤلمك اولار. ايندي محمد جعفرين ياري قاداسي باشينا گلن نه اولاجاقمي؟ هله بونلاردان كئچك ولينين جاوابيني كيم وئره‌جك؟ علي كيشي نه جور ياري حلاليق آلا بيلسين؟ علي كيشي اؤلندن سونرا ياريسي جننتده ياريسي جهنمده اولاجاقيني نئجه ذوزه‌جك؟

حاق وئرين، حلالليق حاقين وئرين. حلالليقدان واز كئچمك اولماز. " آخماق اوغلي آخماق محمدجعفر پولو يوخودو ائولنمه‌ي  نه ايدي؟!!!! "



گوي رنگينده يازيلاري كئفلي ايسكندر عمي وئبلاگيندان بو يازيدا ايشله‌تميشم. گرگرلي آراز بي "منيم پولومونان نييه؟" آدلي اويكونو يازيب وئبلاگيندا يايياركن، من اونو اوخودوم و اؤز دوشوندويومجه يوخاريداكي يازيني يازديم.

ايسكندر عمينين وئبلاگي آدرسي : http://www.kefli.blogfa.com/post/76

 


  • [ ]