جوما گوني ساعات اون بير كند خبرلري :
وئبلاگچی : خــــزراوغلي
+0 به يه ن
آراز عمينين كنديندن خبر يئتيشيب كي ناماز واقتي جاماعات نامازدا ايكن بيري پيچاقلا ايچري گيريب موسلمان آختاريرميش. بئله‌سينين اينه‌يي نجور اولور، قيچي سينير. اينينين باشين كسميه‌يه پيچاق اه‌لينده مسجيده گيرير.
ايندي قالدي "بوردا بير مسلمان يوخدو؟" سورغوسو يانيتي. شيخين يئرينده اولسايديم بئله ديرديم :
- ايكي ريكت ناماز اوولي واقت واجيبدي، قضا اولماسين. اينك اؤلسه‌ده قضا قدرايميش. قادوو آليبدير.
شيخ ساققالين اه‌ل چكه چكه بويوردي :
- قادوو آليم، قوي هله نامازيميز قورتارسين سونرا اينه‌كه بير ايش گؤره‌ريك.
الله و اكبر
. . .
نامازدان سونرا شيخ:
- اوول دئنن گؤروم كيم بو اينه‌كي آياقيني سينديريب؟ يوخسا بو ايشي گؤروبلر بيزيم نامازيميزي ياريمچيق قويالار؟
نامازا دايانانلارين بيري :
- بو اينك اگر موسلمان مالي اولسا و اگر حلال پولنان آلينميش اولسا، آلله تعالي اؤزي بو اينه‌يي ساخلار. بير آداملارين آيريسي:
- اه‌شي بو پيچاق اه‌لينده اولانا بيري دئمه‌دي دؤزوملو اولسون اوول باخاق گؤره‌ك بونون خومس و ذكاتي وئريليب يوخسا يوخ.
بيري تلسيك مسجيده گيريب شيخين قولاقينا پيچيلداشدي. سونرا شيخ حوضضار محترمه دئدي:
- اهه‌ـــــــــــــي ده‌دوينه‌ن خبر گلدي اينه‌ك حرام اولدي. . . هلبت آلله_ين بير حكمتي واريميش.
××××××××
جوما گوني ساعات اون بير كند خبرلري :
بيرينجي خبر:
- ايسرايلين توطئه‌سيله آراز بي كندينده بيرموسلمانين اينكي اؤلدي، باشين كسمه‌ميشدن حرام اولدي. اونا گؤره بو جومه نامازدان سونرا كتده راهپيمايي اولاجاق.
ايكينجي خبر :
- ترسه آوا كنديندن خبر يئتيشيب كي قلئي چي مورتوضون خالاسي گيزلينجه اره گئديبدير. بيري گؤز ويرماسين ديه ياواشجانا ارين كتدن قاچيرديب. ترسه آوا كنديدن يئتيشن خبرلره اساس قلئي چي مورتوضون خالاسي امنيتي مصلحتلره گؤره ارينين آديني تانيتديرمئيب.
روزنامه چيلر بو خبري ائشيدنجه قلئي چي مورتوضون يانينا گئديب خبر بيلديريبلر كي قلئي چي مورتوض و بوتون وزرالار و همده جومهور باشقاني خداكرم قدير اوغلي معروف به مايماخ خودي هامميليقدا بو خبري تكذيب ائلئيبلر.
اوچومجو خبر :
- يئتيشن خبرلره گؤره گرگرلي آراز بي اوغلونون گؤروشونه گؤره تهرانا سفر ائتميشدي. آيري خبره گؤره قلئي چي مورتوضدا فـــتقين خسته‌ليگي بهانه‌سينه تهراندا سفرده‌يميش. بو ايكي سفر بير زاماندا ندنليي بيلينمير.
قلئي چي مورتوض ائلان ائديبدير كي هله او ارتباطات وزيري اولا اولا فتقين خسته‌ليگي اينديه جن اونا اوچ قويون پولو قدر قورتاريب.
دوردونجو خبر :
- اوخوللارين آچيليشيندا ترسه آوا كندين آموزش پرورش وزيري "فالچي نوروز" اعلان ائديبدير كي طبق قانون اساسي ترسه آوا كندي مين بئش_ينجي قانوني بو ايل اوخوللاردا فارسي ديلينين قيراقيندا فرانسا انگليس روس ائرمني آلماني سواحيلي چيني ديلي و باشقا ديللر اوخونولاجاق آنجاق توركجه ديلينده تجزيه طلبلرين ديلي اولدوقونا گؤره بو ديل اوخوللاردا دانيشماقيدا قاداقادير.
×××××
شنبه گوني شهرده اعلان اولوندي:
شهرده اعلان اولونوب دولتي قيمتده اه‌ت ساتيلير، ايستينلردن خواهيش اولونور اوول بير فورم (بيچيم) دولدورسونلار و ايكي موعريفلرينين آديني‌دا يازسينلار. ايكي تئلفون نومره‌سينده وئرسينلر. سونرا آشاغيداكي بانكي حيسابلارا هره‌سينه اون مين توكه‌لر.
1 - 0-0-0-0-0-0-0-0
2 - 0-0-0-0-0-0-0-0
3 - 0-0-0-0-0-0-0-0
فيشلري و ائو يا ماشين سندين كوپيسي برابر اصل اولموش و ايكي ضامن و ايكي ميليونلوق سفته و خانواده‌نين سيجيل و ملي كارتين كوپيسي و بير مشخصات كاميل خانوادنين نه ايش گؤردوكلري، نه پالتار گئيديكلري(آلت اوست فرق ائله‌مز) هامميسيني مركزي دفتره تهرانا آشاغاداكي آدرئسه گؤندرسينلر.
تهران_ -ِ#،ـآٍىى
خيابان_ %^%$@
كوچه_ ،×چـ$%ٌّال
پلاك0-0-0-0-0
بو ايشلري ائدن، سونرا بيلينديريلميش گونده صوبح نامازيندان قاباق بو ماغازايا گليب نوبت دوتسونلار.
سونرا گؤزه‌تچيليگ ائدييب نوبت‌لريني اه‌لدن وئرميه‌لر.
اه‌ت ايستينلردن ايسته‌لينيب كي سيجيلرين ساينين جوت اولانلار تك گونونده و سيجيلرينين سايي تك اولانلار جوت گونونده گلسينلر.
××××××××××
خبرلر شايعه لر:
شايعه اولونوب كي تهراندا "بير برك داوار ايت‌ين اه‌تين ميللته ساتيبلار.