دانيرلار آخي
وئبلاگچی : خــــزراوغلي
+0 به يه ن
بو قوشماني "هئريزلي" وئبلاگيندان بورادا پايلاشيرام.
دانيرلار آخي
خيراله حق بيگي(ساپلاق)
نئجه ياخيلماييم نئجه يانماييم
اوبامي ائليمي دانيرلار آخي
نئجه قوورولماييم آلولانماييم
بال كيمي ديليمي دانيرلار آخي
×××××××××××××××××
هر يئرده بيزلره غم سينه گرير
بوردا گول اكنلر تيكان بئجه رير
اكديييم چيچه يي اوزگه لر درير
باغچامدا گولومو دانيرلار آخي
××××××××××××××××××
تاريخيم، وارليغيم گئدير تالانا
يادلارين فئليندن گليره م جانا
نئجه دوزوم بئله يئرسيز يالانا
كوكومو، جيليمي دانيرلار آخي
×××××××××××××××××
هاني قوچ كوراوغلوم هاني قير آتيم
هاني شيرين قوشمام هاني باياتيم
هاني گول گول چيچكلي باغيم باغاتيم
چشمه مي چولومو دانيرلار آخي
×××××××××××××××××××
باشيمدان سوووشوب خزاندا يازدا
چاغلايير گوزومده كوزده آرازدا
عاشيقلار نغمه مي اوته نمير سازدا
بميمي ذيليمي دانيرلار آخي