فيكرين شوجاعته احتياجي وار
وئبلاگچی : خــــزراوغلي
+0 به يه ن
قايناق : دين خادمي ميرزه عبدالصمد ملكي
زبان و ادبيات تركان خراسان اسماعيل سالاريان
بير گون پلنگ شيكار اوچون جنگله چيخدي. يولدا بير تولكويه راستلاشدي و اونو جايناغينا آلدي. توكلو يقين تاپدي كي اؤله‌جك. ياخيندا اؤلمگين بيلديگينه رغماً فيكيرلشدي كي نئجه اؤزونو قورتارا بيلر.
تولكو چوخ مؤحكم و قاطع صورتده پلنگه دئدي : نئجه جورأت ائديرسن مني اؤلدوره‌سن؟!
پلينگ بو سؤزدن تعجوب ائديب عيلّتيني سوروشدو. تولكو سسين قووزاييب و غرورلا دئدي : « حقيقتده من آللاهين حيوانلارا تعيين ائله‌ديغي پاديشاهام! مني اؤلدورسن آللاهين ايراده‌سينه ضيد چيخميش اولارسان, بونو بيليرسن؟ »
تولكو پلنگين صيفتينده‌كي چاشباشليغي گؤرونجه آيدين صورتده پلنگين اوزونه باخيب دئدي : « گل ايمتحان ائدك. گل جنگلي دولاناق. گل منيم داليمجا و گؤر كي حيوانلار مندن نئجه قورخورلار». پلنگ قبول ائله‌دي و اونلار يولا دوشتولر.
تولكو قاباقدا و پلنگ اونون داليسيجا يئريديلر. حيوانلار تولكونو گؤرنده كي پلنگين قاباغينجا يئري‌يير قورخودان قاچيب گيزلنيرديلر.
تولكو گوپلويا- گوپلويا دئدي : شكسيز كي من سنه دئديگيم سؤز تماماً حقيقتدير. ائله دئييل‌مي؟»
پلنگين بو مسأله‌يه اعتيراف ائتمكدن سونرا آيري چاره‌سي قالمادي, باشين توولاييب دئدي : « دوز دئييرسن سن پاديشاهسان.»