ابن خلدون و تاريخي دوشونجه

وئبلاگچی : خــــزراوغلي

+0 به يه ن


ابن خلدونا معروف اولان « بو زيد عبدالرحمن بن تونسي آندلسلي » جوانليقدا قورآنين موختليف قرائتلرين, نحو, حديث و فيقه علملريني اؤيرندي. او « العبر و ديوان المبتدا و الخبر» كيتابيني يازيب كي عاليملر و تاريخچيلر او كيتابي العبر آدينا تاني‌ييرلار.

 

ابن خلدونا معروف اولان « بو زيد عبدالرحمن بن تونسي آندلسلي» هيجرتين 732- جي ايلينده (1332 ميلادي) تونس شهرينده دونيايا گؤز آچدي. او موقدّماتي آتاسي‌نين يانيندا اؤيرندي و سونرا تونسين آيري اوستادلاريندان فايدالانيب قورآنين موختليف قرائتلرين, نحو, حديث و فيقه علملريني اؤيرندي.

 

او بير مودّت‌ سولطان ابوالحسن مزيني (مغرب الاقصي سولطاني) درباريندا خيدمت ائله‌دي. ابن خلدون (العبر و ديوان المبتدا و الخبر في الايام العرب والعجم و البربر من عاصرهم من ذوي السلطان الاكبر) آديندا بير كيتاب يازيب كي عاليملر و تاريخچيلر او كيتابي العبر آدينا تاني‌ييرلار. دئمك اولار كي ابن خلدونون كيتابي بشرين عمومي تاريخيدير.

 

او اؤز كيتابيندا اوچ بؤلومده اؤز نظريه‌سيني دئيير : كيتابين بيرينجي بؤلومو موقدمه‌, ايكينجي بؤلومو تحقيق و تاريخ علمي‌نين فضيلتي و آخيرينجي بؤلومو‌ ده تاريخ تحقيقي‌نين يولو و تاريخچيلرين ايشتيباه لاريدير. آما ابن خلدونون شؤهرتيني ائله بو كيتابين موقدّمه‌سينده آختارمالي‌ييق. او 1400 صفحه‌ليك موقدّمه‌سينده چاليشير تاريخدن تازا تعريف وئرسين.

 

او چاليشير تاريخي ايكي يئره بؤلسون : ناغيلا بنزر ريوايتلي تاريخ و حؤكمي تاريخ. او بو بؤلماقدا اعتيقادي وار كي تاريخي حقيقتين اؤيرنمه شرطي, اونو دوز يازماقدير و او گونه‌ قدر اكثر تاريخچيلر بو معياردان فايدالانميرديلار و اؤز يازيلاريندا حددن آرتيق موباليغه ائديرديلر. ائله بونا گؤره او دئيير كي يازيلاري عقل اؤلچوسو ايله اؤلچمه‌مك, بو زمانا قدر دوز تاريخين يازيلماماسينا سبب اولوب. اوردان كي ابن خلدون چوخلو جاميعه‌لرين داغيلماسي‌ايله بير زماندا ياشاييردي بو فيكره دوشدو كي گؤره‌سن نييه دولتلر بير دؤره اعتيلا و اوجالماقدان سونرا داغيلماغا طرف گئديرلر؟ بونا گؤره او دولتله جاميعه‌نين رابيطه‌سيني بحث ائله‌دي و اونا « علم العمران » آدي وئردي و بونا اينانير كي تاريخي تانيماق اوچون گرك علم العمراندان (جاميعه) ايستيفاده اولا, چونكي فقط بو يوللا تاريخ گئديشيني داها ياخشي درك ائله‌مك اولار.

 

ابن خلدون سونراكي مرحله‌ده علم العمران بحثيني دوزگون مطرح ائله‌مك اوچون « عصبيّت » نظريه ‌سيني مطرح ائلير كي تاريخدن بير توضيح ايرائه وئره بيلسين.

 

اوردان كي ابن خلدونون موقدّمه‌ده‌كي بحثلرين چوخو عصبيت محورينده‌دير, اونون باره‌سينده موختصر توضيح وئريريك. ابن خلدونون عصبيتدن منظورو او گيراييشدير كي بير طايفا و ائلين افراديندا وار و اونلاري بير-بيرينه باغلايير.

 

ابن خلدون عصبيتي جاميعه‌نين قاني كيمي بيلير و دئيير عصبيت بيرينجي مرحله‌ده صوغرا (صغري) عصبيتيدير و كوبرا (كبري) عصبيتينه تبديل اولاندان سونرا هر شئي دگيشير چونكي قبيله‌نين شئيخي (رئيسي) فتوحاتدا موفّق اولاندان سونرا شاها تبديل اولور و ياواش- ياواش, ثروت و قيزيل ييغيشماسي, افراد آراسيندا قومي رابيطه‌نين آزالماسي و تجمولات و فاساد باعيث اولور دولتلر حمله‌دن اوجاليغا و تجمولاتدان ايستيبدادا و ايستيبداددان ييخيلماغا چكيلسينلر.

 

شايد ابن خلدونون بو نظريه‌سي نوقصانسيز اولمايا و بوتون دؤره‌لره صاديق اولمايا آما ابن خلدونو تاريخچيلر ايچينده موهوم ائله‌ين اونون وئرديگي تحليللردير چونكي بو تحليللر جاميعه‌لرين تاريخيني بيلمگه چوخ كؤمك ائدر و ائله بونا خاطيردير كي بو نظريه‌ني مطرح ائليه‌ندن سونرا مسعودي، طبري و ابن اثير كيمي بؤيوك تاريخچيلرين رديفينده يئرله‌شيب.

 

عموميتده ابن خلدون تاريخ عرصه‌سينده تازا دوشونجه آچا بيلدي, تاريخ علميني جاميعه‌لري تانيماق يولي‌ايله عقلي بير علمه چئويرسين و تاريخي ساده حاديثه يازماق عوضينه تازا علمي شكلينه ياخينلاتسين.

 قايناق : دين خادمي

ابن خلدونا معروف اولان « بو زيد عبدالرحمن بن تونسي آندلسلي » جوانليقدا قورآنين موختليف قرائتلرين, نحو, حديث و فيقه علملريني اؤيرندي. او « العبر و ديوان المبتدا و الخبر» كيتابيني يازيب كي عاليملر و تاريخچيلر او كيتابي العبر آدينا تاني‌ييرلار.

 

ابن خلدونا معروف اولان « بو زيد عبدالرحمن بن تونسي آندلسلي» هيجرتين 732- جي ايلينده (1332 ميلادي) تونس شهرينده دونيايا گؤز آچدي. او موقدّماتي آتاسي‌نين يانيندا اؤيرندي و سونرا تونسين آيري اوستادلاريندان فايدالانيب قورآنين موختليف قرائتلرين, نحو, حديث و فيقه علملريني اؤيرندي.

 

او بير مودّت‌ سولطان ابوالحسن مزيني (مغرب الاقصي سولطاني) درباريندا خيدمت ائله‌دي. ابن خلدون (العبر و ديوان المبتدا و الخبر في الايام العرب والعجم و البربر من عاصرهم من ذوي السلطان الاكبر) آديندا بير كيتاب يازيب كي عاليملر و تاريخچيلر او كيتابي العبر آدينا تاني‌ييرلار. دئمك اولار كي ابن خلدونون كيتابي بشرين عمومي تاريخيدير.

 

او اؤز كيتابيندا اوچ بؤلومده اؤز نظريه‌سيني دئيير : كيتابين بيرينجي بؤلومو موقدمه‌, ايكينجي بؤلومو تحقيق و تاريخ علمي‌نين فضيلتي و آخيرينجي بؤلومو‌ ده تاريخ تحقيقي‌نين يولو و تاريخچيلرين ايشتيباه لاريدير. آما ابن خلدونون شؤهرتيني ائله بو كيتابين موقدّمه‌سينده آختارمالي‌ييق. او 1400 صفحه‌ليك موقدّمه‌سينده چاليشير تاريخدن تازا تعريف وئرسين.

 

او چاليشير تاريخي ايكي يئره بؤلسون : ناغيلا بنزر ريوايتلي تاريخ و حؤكمي تاريخ. او بو بؤلماقدا اعتيقادي وار كي تاريخي حقيقتين اؤيرنمه شرطي, اونو دوز يازماقدير و او گونه‌ قدر اكثر تاريخچيلر بو معياردان فايدالانميرديلار و اؤز يازيلاريندا حددن آرتيق موباليغه ائديرديلر. ائله بونا گؤره او دئيير كي يازيلاري عقل اؤلچوسو ايله اؤلچمه‌مك, بو زمانا قدر دوز تاريخين يازيلماماسينا سبب اولوب. اوردان كي ابن خلدون چوخلو جاميعه‌لرين داغيلماسي‌ايله بير زماندا ياشاييردي بو فيكره دوشدو كي گؤره‌سن نييه دولتلر بير دؤره اعتيلا و اوجالماقدان سونرا داغيلماغا طرف گئديرلر؟ بونا گؤره او دولتله جاميعه‌نين رابيطه‌سيني بحث ائله‌دي و اونا « علم العمران » آدي وئردي و بونا اينانير كي تاريخي تانيماق اوچون گرك علم العمراندان (جاميعه) ايستيفاده اولا, چونكي فقط بو يوللا تاريخ گئديشيني داها ياخشي درك ائله‌مك اولار.

 

ابن خلدون سونراكي مرحله‌ده علم العمران بحثيني دوزگون مطرح ائله‌مك اوچون « عصبيّت » نظريه ‌سيني مطرح ائلير كي تاريخدن بير توضيح ايرائه وئره بيلسين.

 

اوردان كي ابن خلدونون موقدّمه‌ده‌كي بحثلرين چوخو عصبيت محورينده‌دير, اونون باره‌سينده موختصر توضيح وئريريك. ابن خلدونون عصبيتدن منظورو او گيراييشدير كي بير طايفا و ائلين افراديندا وار و اونلاري بير-بيرينه باغلايير.

 

ابن خلدون عصبيتي جاميعه‌نين قاني كيمي بيلير و دئيير عصبيت بيرينجي مرحله‌ده صوغرا (صغري) عصبيتيدير و كوبرا (كبري) عصبيتينه تبديل اولاندان سونرا هر شئي دگيشير چونكي قبيله‌نين شئيخي (رئيسي) فتوحاتدا موفّق اولاندان سونرا شاها تبديل اولور و ياواش- ياواش, ثروت و قيزيل ييغيشماسي, افراد آراسيندا قومي رابيطه‌نين آزالماسي و تجمولات و فاساد باعيث اولور دولتلر حمله‌دن اوجاليغا و تجمولاتدان ايستيبدادا و ايستيبداددان ييخيلماغا چكيلسينلر.

 

شايد ابن خلدونون بو نظريه‌سي نوقصانسيز اولمايا و بوتون دؤره‌لره صاديق اولمايا آما ابن خلدونو تاريخچيلر ايچينده موهوم ائله‌ين اونون وئرديگي تحليللردير چونكي بو تحليللر جاميعه‌لرين تاريخيني بيلمگه چوخ كؤمك ائدر و ائله بونا خاطيردير كي بو نظريه‌ني مطرح ائليه‌ندن سونرا مسعودي، طبري و ابن اثير كيمي بؤيوك تاريخچيلرين رديفينده يئرله‌شيب.

 

عموميتده ابن خلدون تاريخ عرصه‌سينده تازا دوشونجه آچا بيلدي, تاريخ علميني جاميعه‌لري تانيماق يولي‌ايله عقلي بير علمه چئويرسين و تاريخي ساده حاديثه يازماق عوضينه تازا علمي شكلينه ياخينلاتسين.

 قايناق : دين خادمي

           : زبان و ادبيات تركان خراسان


  • [ ]