فلسفه، صلح مسأله‌سينه لاقيد قالا بيلمز
وئبلاگچی : خــــزراوغلي
+0 به يه ن
كانتدان قاباق چوخ آز فيلسوف صلح مسأله‌سينه لاقيد قالميشدي. افلاطون، آگوستين، بيكن، هابز و هابئله هگل و چوخلاري‌نين اساس فكرلري صلح و انسانلارين باريش ايچينده ياشاماسي اولوب. چونكي فلسفه بو مسأله‌يه لاقيد قالا بيلمزدي و اينديده اونا دقّتسيز اولا بيلمز. بونا گؤره كي صلح اخلاق، فضيلت، حق و حقوق و انساني غايتلرله ايچ ايچه‌دير.
بو گون امنيّت، حقوق، نظم، ساغلامليق كيمي مفهوملارين جهاني سؤزو ايله بيرليكده ايشلنمه‌لري چوخ رايج اولوب. اسكندرين «جهان وطن» ايده‌سيندن ميلادي ايلين 11-جي عصرينه قدر كي مسيحيت عالمينده «جهاني دين» مفهومو مطرح اولدو هئچ كس جهاني اولماقدان دانيشمادي آما بو گون انسانلار هر بير شئيين جهاني‌سينه دوشونورلر.
جهاني صلح باره‌ده بيرينجي رساله‌ني 18-جي عصرين اوّل‌لرينده «قالارگي صلح باره‌سينده» عنوانيندا كانت يازميشدي. البته بو رساله‌ده كانتين نظري قايناغي هم فرانسه انقلابي‌نين هدفلري و هم اونون انسان شناسي مبنالاريدي.
مسأله بوردادير كه جهاني صلح هانسي هدفه گؤره و نه‌يه خاطردير؟ فيلسوفلار صلحي اخلاقيات و انسان كمالي مسيرينده بيليبلر آما اونا ابزار و وسيله كيمي باخماق بير سئري قدرت صاحبلري‌نين خيردا هدفلرينه چاتماغا وسيله ائلير. بو گونون فيلسوفلاريندان بو انتظار وار كي صلح مسأله‌سيني غير اخلاقي و منفعت داليسيجان اولماق كيمي مقوله‌لردن آريتلاسينلار و اونو انسان سعادتي و كمالي مسيرينده تعريفله‌سينلر.