بويوك ضيياليميز

وئبلاگچی : خــــزراوغلي

+0 به يه ن

دوكتور جاواد هيئتين مرثيه سي

 

اوتاي بو تاي ياسا باتدي آي الله

يوماندا گوزونو وارليقا هيئت

 

نجه سيغاجاقدير او هوندور *بوخون

مزار سويله ديگين دارليقا هيئت

 

گوزونده محببت الده *گزليگي

موقدس بير يولدي گليب گئدي گي

بيلاغين باشيندا خسته كهليگي

 

اوچوردي بورانا قارليقا هيئت

 

بارماغين اوجالتدي سسي اوجالسين

قارتال چيناقينان سانكي باج آلسين

وئردي نفسي ني ابدي قالسين

 

گوللو باغچالارا بارليقا هيئت

 

اوترسه باخمادي سوزون دوز دئدي

اوتاي بو تاييني ايكي گوز دئدي

دئيللر اولنده او بير سوز دئدي

 

چاغيردي خالقيني *آرليقا هيئت

 

ائلچي بئي اوخشادي سوزو *آقيندا

دئدي من ديرگم ائل  چارداغيندا

بيزدن آيريلالي *اوجمان باغيندا

 

بلكه قدم قويدي ناريلقا هيئت

*بوخون---اندام

*گزليك---جراحليق پيچاقي

*آرليقا---تميزليگه

*آقي---باياتي

*اوجمان---بهشت

اوره يندن دمير تيكان چكيلن خالقيميزين باشي ساق

دوكتور پورفسور عالم عاريف آذاربايجانيميزين بويوك ضيياليسي جاواد هيئت دوياسيني دئيشدي

ياديما گلير گئچن ايللرده بويوك صمد بهرنگي ميزين اولوم گونو موناسبتينده بير سوز ايشلدميشديم؛ اودا بو كي خالقي اوچون ياشايانلار خالقي اوچون اولمه ليديلر؛ دوغورداندا دوكتور جاواد هئيت اولمه دي دونياسيني دءشنده بويوك شهريارين ديلينجه بيزه تاپيشيريق وئر دي كي

بيربيريزدن آيريلمايين  آماندي

ياخجيليقي اليميزدن آليب لار

ياخجي بيزي يامان گونه ساليبلر

آخي بيليرسيز دوكتور جاواد هيئت اوز خالقينين همي آتاسيدي همده آناسيدي او خسته اولانلاري اوز ايسدي و محببتي اللرينن توخداداردي؛ او آزقين دوشن كرواني يولونا گتيرردي ؛او بيزيم له بير موهربان آتا كيمين دانيشاردي؛ ائل آراسي بير سوز وار دييركي من سنين چون اولوم ؛هاراي وطنداشلاريم جاواد هيئت بيزيم اوچون ياشادي سيزين چون اولدي ؛بو توپراقدا نه قيمت وار كي بئله درين دويغولو اينسانلار بئچرديب توربه سينده آلتون اوزوك قاشي كيمين اوز قوينوندا ابديلشديرير؛ بلي سئويملي دوسلاريم ائلچي بئي دن باش ساليقي ائشيديرسينيز ؛بوگون كي گون  خزرين جوشغون دالغالاري بويوك اينسانين روحونا قوجاق آچيب دورولوقلار قوينوندا ساخلاماق ايستيير؛ آخير سوز بو كي دوكتور جاواد هيئت بير خالقين وارليقي .....دئمك دير

هله ليك

93/5/21

انزلي ليماني

ائلچي بئي

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -
بوتون دونيا توركلرينه و ايران توركلرينه و اؤزلليكله آذربايجانليلارا و مرحوم هيئتين عائله سينه باش ساغليغي دينلئيرم.
ائليميزين بير بويوك بيليجيسي بو دونيادان كؤچدو.
دونيا بير پنجره‌دير، هر گلن بير باخار گئدر.
بويوك تانري ائل قوجاسيني پرفسور هيئتي رحمت ائتسين.



  • [ ]