تيمور شاه

وئبلاگچی : خــــزراوغلي

+0 به يه ن
يازار : م.كريمي
امير تيمور كوره كن و اونون اولادلاري، يوز ايلدن آرتيق ، يئر اوزونون گئنيش بير ساحه سينده، گوجلو و امين بير امپراتورلوق قوروب، تاريخ بويو گؤركملي بير ائتكي بوراخميشدير. امير تيمور اؤز زمانه سي نين اولايلاريلا قورخونج بير دؤور ياراديب، عيني حالدا صنعت، ادب و كولتورون گليشمه سينده ده بؤيوك رول ايفا ائتميشدير. اميرتيمور، اون ايلدن قيسا بير زماندا، اورتا آسيادان كيچيك آسيايا قده ر، گئنيش امپراتورلوق ياراديب، اونونلا برابر يوزلرله صنعت آداملاريني اؤز پايتختي اولان سمرقنده توپلاييب و زمانين علم و ادب مركزيني يارادير. او، 780 دان 807 ايللري آراسيندا اورتا آسيادان هندوستانا و اورادان مصره قده ر اوزانان اؤلكه لري اؤز حكومتي آلتينا گتيره رك بؤيوك و تايسيز بير حكومت يارادير.

ياخشي دير كي تيمورون بوتون اولادلاري، سلطانلار و شاهزاده لري علم و ادب آداملاريلا ياخشي قووشوب، اؤزلريندن ياخشي آد قويوبلار. امير تيمور بالاجا اميرليكلري بيرلشديريب، بؤيوك امپراتورلوق قورور؛ اولادلاري دا اؤلكه نين آوادانليغي، گليشمه سي و عالم لرين يئتيشمه سينده چاليشيب، بوتون علمي – ادبي و صنعت ساحه لريني ايره لي سورموشلر. بونو دا آرتيرماق لازيمدير، تيمور سلسله سي نين 100 ايلدن آرتيق حكومتي چاغيندا، بو حركت تكجه سمرقند و يا هراتا حصر اولونماميش، بلكه بوتون شهرلر و اؤلكه لر بو گليشمه لردن بهره آلميشلار. مورخلر يازيرلار امير تيموردان سونرا دا ادبي - علمي مركزلر اوجمله دن شاهرخ ميرزا زمانيندا گليشير، اونون اوغلو ميرزا بايسنقر زمانيندا داها مكمل له شير و نهايت سلطان حسين بايقارا دؤورونده زيروه يه چاتير. 100 ايلدن آرتيق بير زماندا تيمور اولادي نين حكومتي چاغيندا، اؤلكه ميزين تاريخينده علم و ادب يوكسه ليشي ايله برابر، مختلف شهرلرين آوادانليغي دا گؤز اؤنونده جانلانير. تيمورشاهزاده لري - شاهرخ، بايسنقر، الغ بيگ، سلطان حسين بايقرا چاغلاريندا يوزلرجه اديب، مورخ، موسيقي چي، رسام، خطاط و باشقا ساحه لرين چالشقانلاري عرصه يه گلير و بو زمانلاردا سمرقند، هرات و تبريز مكتب لري انكشاف ائدير. صنعتكارلار دا خلق ايچينده قارشيلانيب حؤرمتله آلقيشلانيرلار. .......
قايناق : (قيزيل قلم آذر)
http://mrbkarimi.blogfa.com/post-190.aspx

زبان و ادبيات تركان خراسان
http://salariyan.blogfa.com/comments/?blogid=salariyan&postid=5003&timezone=12600

  • [ ]